శ్రీ సర్వేశ్వర వరతనయూడు తేజస్కాముడు సిద్ధి బుద్ధి సంయుక్తుడు ఆశ్రిత వరదుడు
గజముఖ ధరుడు గణనాయకుడు మూషికవాహన మోదకహస్తుడు
గ్రహం గణపతి రక్షించు ఈ దంపతులను
1.హంస వాహనుడభ్యాసనుడు నారాయణసుతుడు
పాణి తలమున వీణ కలిగిన వాణి విభుడు
వేదజనకుడు వేదాతీతుడు వేదాంతార్ధ విచారపరుడు
బ్రహ్మదేవుడు రక్షించు ఈ దంపతులను
2. లక్ష్మీ సహితుడు నిక్షేపాజ్ఞుడు పక్షి వాహనుడు
పాతక సంహారుడు పీతాంబరధరుడు
అహల్యశాప విమోచన పరుడు అక్షయమొసగిన ఆదిదేవుడు
శ్రీ మహావిష్ణువు రక్షించు ఈ దంపతులను
3.పార్వతి సహితుడు పన్నగధరుడు ఫాలనేత్రుడు
గౌరీయుతుడు గంగాధరుడు గజ చర్మాంబరుడు
కరిముఖ జనకుడు గరళాగ్రీవుడు కైలాసాద్రి నివాసుండెపుడు
సాంబమూర్తి రక్షించు ఈ దంపతులను
4.రక్తవస్తువా ప్రీతికరుండు రక్తాంబరధరుడు
రక్తాగాత్ర ఋగ్వేదుడు రాచకార్యుడు
పదిమూడారిట ఫలదాయకుడు పంచమిరాశిన నివసించేటి
సూర్యగ్రహము రక్షించు ఈ దంపతులను
5.తెల్లని గంధం తెల్లని మేను తేజస్కాముడు
రోహిణి హితుడు రాత్రీశ్వరుడు రూఢీగా ఇతడు
మూడుపదారిట ముని జన్మాన ముఖ్యుండితడు కర్కటకేశుడు
చంద్రగ్రహము రక్షించు ఈ దంపతులను
6.మేదిని సుతుడు మేషాధీశుడు మేధాతీతుడు
పదకొండింటను మూడారింటను పాలించెడివాడు
హాటకధాన్య మోహనపరుడు అగ్నిహోత్రునకనుకూలుండు
అంగారకుడు రక్షించు ఈ దంపతులను
7.అప్రకాశుడు ఆదిత్యాత్ముడు అత్యంతోత్తముడూ
కన్యామిథునా రాశుల యందు కాంక్షత కలవాడూ
ఎనిమిది నాలుగు పదిరెండింటను ఎప్పటికీ ఘనదాయకుడితడు
బుధ గ్రహము రక్షించు ఈ దంపతులను
8.మీనధనస్సులాధారముగా మేదిని లోపలనూ
తొమ్మిది రెండేడింటైదు తొలుతగ ఫలమిచ్చు
ఋగ్వేదోక్తుడు లోకాతీతుడు ప్రీతిక ద్రవ్య ప్రీతికరుండు
గురుగ్రహము రక్షించు ఈ దంపతులను
9.వృషతుల రాశుల రెండింటాను విహరించెడివాడు
భార్గవ సుతుడు దానవ గురుడు ప్రఖ్యాతైనాడు
ఆరేడుపది అవి మూడు గాకను ధనములొసంగిన ధవళశరీరుడు
శుక్రగ్రహము రక్షించు ఈ దంపతులను
10.మందగమనుడూ మలినశరీరుడు మలినాంబరధరుడూ
ఆర్మూడింటను అనుకూలుండు ఆయుష్కారకుడూ
కుంభమృగాదుల కోరిన విభుడు ఛాయాసుతుడు సాయకధరుడు
శనిగ్రహము రక్షించు ఈ దంపతులను
11.కృష్ణవర్ణుడూ కృష్ణశరీరుడు కృష్ణాంబరధరుడూ
సృష్టీరతుడు నిష్టాపరుడు శ్రేష్ఠుడు ఈతాడూ
త్రిగుణస్థానము నందున శుకుడు వృషనీపతుల కులదాసనుడు
రాహుగ్రహము రక్షించూ ఈ దంపతులనూ
12. చిత్రవర్ణుడు చిత్రశరీరుడు చిత్రాంబరధరుడూ
చిత్రాగుప్తాదులతోడాను మైత్రీ కలవాడూ
మహిషాసనుడూ మన్మధమిత్రుడు మూడారింటను ముఖ్యుండితడు
కేతు గ్రహము రక్షించూ ఈ దంపతులను
13.ఆశించెవవ్వరు నవగ్రహ మంగళహారతి పాడిననూ
కాశీయాత్రా చేసిన ఫలము కలుగుటె కాకుండా
వాశిగ వారాణాసిగ సుబ్బయ్య పోషక హృదయ నివాసుండెప్పుడు
శ్రీశైలేశ్వర పదసన్నిధికి చేరుదులెల్లపుడూ...
