తంబళ్లపల్లి మండలం కోసువారిపల్లిలో శ‌నివారం ఉదయం ధ్వజారోహణంతో శాస్త్రోక్తంగా ప్రారంభమయిన శ్రీ ప్రసన్నవెంకటరమణ స్వామి వార్షిక బ్రహ్మోత్సవాలుఅంగరంగ వైభవంగా సాగుతున్నాయి.
బ్రహ్మోత్సవాల్లో ఉదయం 8 నుండి 9 గంటల వరకు, రాత్రి 8 నుండి 10 గంటల వరకు వాహ‌న‌సేవ‌లు నిర్వహిస్తున్నారు.
బ్రహ్మోత్సవాల్లో వాహనసేవల వివరాలు
తేదీ
11-02-2024
ఉదయం – శేష వాహనం రాత్రి – హంస వాహనం
12-02-2024
ఉదయం – ముత్యపుపందిరి వాహనం రాత్రి – సింహవాహనం
13-02-2024
ఉదయం – కల్పవృక్ష వాహనం రాత్రి – హనుమంత వాహనం
14-02-2024
ఉదయం – సూర్యప్రభ వాహనం రాత్రి – చంద్రప్రభ వాహనం
15-02-2024
ఉదయం – సర్వభూపాల వాహనం రాత్రి – కల్యాణోత్సవం, గరుడవాహనం
16-02-2024
ఉదయం – రథోత్సవం రాత్రి – గజ వాహనం
17-02-2024
ఉదయం – పల్లకీ ఉత్సవం రాత్రి – అశ్వ వాహనం
18-02-2024
ఉదయం – చక్రస్నానం, రాత్రి – ధ్వజావరోహణం
ఫిబ్రవరి 15వ తేదీ ఆలయంలో కల్యాణోత్సవం రాత్రి 8 నుండి 10 గంటల వరకు వైభవంగా జరుగనుంది. రూ.300/- చెల్లించి గృహస్తులు(ఇద్దరు) కల్యాణోత్సవంలో పాల్గొనవచ్చు. ఫిబ్రవరి 19వ తేదీ ఆలయంలో పుష్పయాగం సాయంత్రం 5 నుండి రాత్రి 8 గంటల వరకు ఘనంగా జరుగనుంది.
ఉత్సవాల సందర్భంగా టీటీడీ హిందూ ధర్మప్రచార పరిషత్‌ ఆధ్వర్యంలో ప్రతిరోజు వాహనసేవల ముందు కోలాటాలు, భజన కార్యక్రమాలను నిర్వహించనున్నారు. అన్నమాచార్య ప్రాజెక్టు కళాకారులు అన్నమయ్య సంకీర్తనలను ఆలపించనున్నారు.
