మార్చిలో శ్రీగోవిందరాజస్వామివారి ఆలయంలో విశేష ఉత్సవాలు

Bhakti Saram

టిటిడికి అనుబంధంగా ఉన్న తిరుపతిలోని శ్రీ గోవిందరాజస్వామివారి ఆలయంలో మార్చి నెలలో పలు విశేష ఉత్సవాలు జరుగనున్నాయి. వాటి వివరాలు ఇలా ఉన్నాయి.

మార్చి 1న పౌర్ణమి సందర్భంగా సాయంత్రం 6.00 గంటలకు స్వామివారు గరుడ వాహనంపై విహరిస్తారు.

మార్చి 2, 9, 16వ తేదీల్లో శుక్రవారం నాడు ఆలయ మాడవీధుల్లో శ్రీ ఆండాళ్‌ అమ్మవారు భక్తులకు దర్శనమిస్తారు.

మార్చి 3న ఉత్తర నక్షత్రాన్ని పురస్కరించుకుని సాయంత్రం 5.30 గంటలకు ఉభయనాంచారులతో కలిసి శ్రీగోవిందరాజస్వామివారు ఆలయ నాలుగు మాడ వీధుల్లో విహరించి భక్తులకు దర్శనమిస్తారు.

మార్చి 13న కోయిల్‌ ఆళ్వార్‌ తిరుమంజనం జరుగనుంది.

మార్చి 14న శ్రవణ నక్షత్రాన్ని పురస్కరించుకుని సాయంత్రం 5.30 గంటలకు శ్రీదేవి, భూదేవి సమేత శ్రీకల్యాణ వేంకటేశ్వరస్వామివారు ఆలయ నాలుగు మాడ వీధుల్లో విహరించి భక్తులకు దర్శనమిస్తారు.

మార్చి 18న ఉగాది రోజున శ్రీదేవి, భూదేవి సమేత శ్రీగోవిందరాజస్వామివారికి సాయంత్రం 5.30 నుంచి 7.00 గంటల వరకు ఆస్థానం నిర్వహిస్తారు.

మార్చి 23న రోహిణి నక్షత్రాన్ని పురస్కరించుకుని సాయంత్రం 5.30 గంటలకు రుక్మిణి, సత్యభామ సమేత శ్రీ పార్థసారధిస్వామివారు ఆలయ నాలుగు మాడ వీధుల్లో విహరించి భక్తులకు అభయమిస్తారు.