అధికమాసం కారణంగా ఈ ఏడాది సెప్టెంబరు, అక్టోబరు నెలల్లో రెండు బ్రహ్మోత్సవాలు జరగనున్న నేపథ్యంలో, పురటాసి మాసం కూడా వస్తున్నందువల్ల భక్తుల రద్దీ అత్యధికంగా ఉంటుంది. ఈ నేపధ్యంలో టీటీడీ భక్తుల సౌకర్యార్ధం విస్తృత ఏర్పాట్లు చేస్తోంది.
బ్రహ్మోత్సవాల వివరాలు
సెప్టెంబర్ 18 నుండి 26వ తేదీ వరకు సాలకట్ల బ్రహ్మోత్సవాలు, అక్టోబర్ 15 నుంచి 23 వరకు నవరాత్రి బ్రహ్మోత్సవాలు నిర్వహిస్తారు.
వార్షిక బ్రహ్మోత్సవాల్లో భాగంగా...
- సెప్టెంబర్ 18న ధ్వజారోహణం
- సెప్టెంబర్ 22న గరుడ సేవ,
- సెప్టెంబర్23న స్వర్ణరథం,
- సెప్టెంబర్ 25న రథోత్సవం,
- సెప్టెంబర్ 26న చక్రస్నానం, ధ్వజవరోహణం
నవరాత్రి బ్రహ్మోత్సవాలు
- అక్టోబర్ 15న ధ్వజారోహణం
- అక్టోబర్ 19న గరుడవాహనం,
- అక్టోబర్22న స్వర్ణరథం,
- అక్టోబర్ 23న చక్రస్నానం
పురటాసి మాసం
పురటాసి మాసం, రెండు బ్రహ్మోత్సవాలు కలిసినందున, ఈ సంవత్సరం భారీ యాత్రికుల రద్దీ ఉంటుంది. పురటాసి పవిత్ర మాసం సెప్టెంబర్ 18న ప్రారంభమై అక్టోబరు 17న ముగుస్తుంది. సెప్టెంబరు 23, 30, అక్టోబర్ 7, 14 తేదీల్లో పురటాసి శనివారాలు జరుగుతాయి. ఈ రెండు బ్రహ్మోత్సవాలు , పురటాసి శనివారాల్లో భక్తులకు ఎలాంటి ఇబ్బంది లేకుండా దర్శనం కల్పించేలా ప్రణాళిక రూపొందిస్తున్నారు టీటీడీ అధికారులు.
