ప్రభుం ప్రాణనాథం విభుం విశ్వనాథం జగన్నాధ నాధం సదానంద భాజం ।
భవ ద్భవ్య భూతేశ్వరం భూతనాధం శివం శంకరం శంభు మీశాన మీడే ।।
గళే రుండమాలం తనౌ సర్పజాలం మహాకాలకాలం గణేశాదిపాలం ।
జటాజూట గంగో త్తరంగైర్విశాలం శివం శంకరం శంభుమీశాన మీడే ।।
ముదామాకరం మండనం మండయంతం మహామండలంభస్మభూషాధరం తం ।
అనాదిం హ్యపారం మహామోహమారం శివం శంకరం శంభుమీశాన మీడే ।।
వటాధోనివాసం మహాట్టాట్టహాసం మహాపాపనాశం సదాసుప్రకాశం ।
గిరీశం గణేశం సురేశం మహేశం శివం శంకరం శంభుమీశాన మీడే ।।
గిరీంద్రాత్మజాసంగృహీతార్ధ దేశం గిరౌ సంస్థితం సర్వదా పన్న గేహం ।
పరబ్రహ్మ్రబహ్మాదిభిర్వంద్యమానం శివం శంకరం శంభుమీశాన మీడే ।।
కపాలం త్రిశూలం కరాభ్యాం దధానం పదామ్భోజ నమ్రాయ కామం దదానం ।
బలీవర్దయానాం సురాణాం ప్రధానం శివం శంకరం శంభుమీశానమీడే ।।
శరచ్చంద్రగాత్రం గణానంద పాత్రం త్రినేత్రం పవిత్రం ధనేశస్య మిత్రం ।
అపర్ణాకళత్రం సదాసచ్చరిత్రం శివం శంకరం శంభుమీశాన మీడే ।।
హరం సర్పహారం చితాభూవిహారం భవం వేదసారం సదా నిర్వికారం ।
శ్మశానే వసంతం మనోజం దహంతం శివం శంకరం శంభుమీశాన మీడే ।।
స్వయం యః ప్రభాతే నరశ్శూలపాణేః పఠేత్ స్తోత్ర రత్నం త్విహ ప్రాప్యరత్నం ।
సుపుత్రం సుధాన్యం సుమిత్రం కళత్రం విచిత్రైస్సమారాధ్యమోక్షం ప్రయాతి ।।
