టిటిడికి అనుబంధంగా ఉన్న తిరుపతిలోని శ్రీ గోవిందరాజస్వామివారి ఆలయంలో నవంబరు నెలలో పలు విశేష ఉత్సవాలు జరుగనున్నాయి.
వాటి వివరాలు ఇలా ఉన్నాయి
- నవంబరు 1న కైశికద్వాదశి ఆస్థానం
- నవంబరు 3, 10, 17, 24వ తేదీల్లో శుక్రవారం సందర్భంగా సాయంత్రం 5.30 గంటలకు శ్రీఆండాళ్‌ అమ్మవారిని ఆలయ నాలుగు మాడ వీధుల్లో ఊరేగిస్తారు.
- నవంబరు 4న పౌర్ణమి సందర్భంగా సాయంత్రం 6.00 గంటలకు శ్రీగోవిందరాజస్వామివారి గరుడసేవ వైభవంగా నిర్వహించనున్నారు.
- నవంబరు 6న రోహిణి నక్షత్రాన్ని పురస్కరించుకుని సాయంత్రం 5.30 గంటలకు శ్రీరుక్మిణి, సత్యభామ సమేత శ్రీపార్థసారథిస్వామివారు ఆలయ నాలుగు మాడవీధుల్లో విహరించి భక్తులకు దర్శనమిస్తారు.
- నవంబరు 14న ఉత్తర నక్షత్రాన్ని పురస్కరించుకుని శ్రీదేవి, భూదేవి సమేత శ్రీగోవిందరాజస్వామి వారికి సాయంత్రం 5.30 గంటలకు ఆలయ నాలుగు మాడ వీధుల్లో విహరించి భక్తులకు దర్శనమిస్తారు.
- నవంబరు 23 నుండి డిసెంబరు 2వ తేదీ వరకు శ్రీ తిరుమంగై ఆళ్వార్‌ సాత్తుమొర
- నవంబరు 25న శ్రవణ నక్షత్రన్ని పురస్కరించుకుని శ్రీ భూ సమేత శ్రీ కళ్యాణ వేంకటేశ్వరస్వామివారు ఆలయ నాలుగు మాడ వీధుల్లో భక్తులను అనుగ్రహిస్తారు.
